Házirgi globallasıw dáwirinde, aymaqlar hám mámleketler óz-ara integraciya processleri jedellesip baratırǵan quramalı bir waqıtta korrupciya shegara bilmes mashqalaǵa aylanıp atır.
Atap aytqanda, korrupciya keltirip shıǵarıp atırǵan aqıbetler jámiyeti ish-ishinen jemirip, demokratiya hám huqıq ústinligi tiykarlarına ziyan jetkeredi, insan huqıqlarınıń qopal túrde buzılıwına alıp keledi, ekonomikalıq rawajlanıwdı izden shıǵaradı, jámiyet hám mámleket ushın oǵada qáwipli bolǵan shólkemlesken jınayatshılıq hám terrorizmniń keń jayılıwına sharayat jaratıp beredi, puqaralardıń haqlı narazılǵı artıp baradı.
Ámeldegi statistikalıq maǵlıwmatlarǵa qaraǵanda, dúnya mámleketlerinde jámiyet rawajlanıwına tosqınlıq qılıp atırǵan korrupciyaǵa qarsı gúresiwdi támiyinlewge qaratılǵan bir qatar xalıq aralıq huqıqıy hújjetler qabıl etilgen.
Atap aytqanda :
- Mámleket lawazımlı shaxslarınıń xalıq aralıq etikalıq kodeksi (Nyu-York, 1996 -jıl 12-dekabr):
- Korrupciya boyınsha jınaıy juwapkerlik konvenciyası (Strasburg, 1999 -jıl 27-yanvar);
- Korrupciya boyınsha puqaralıq huqıqıy juwapkerlik konvenciyası (Strasburg, 1999 -jıl 4-noyabr) hám usı Konvenciyaǵa qosımsha protokol (Strasburg, 2003-jıl 15-may);
- BMShnıń Korrupciyaǵa qarsı konvenciyası (2003-jıl 31-oktyabr). Bunnan tısqarı, BMSh Bas Assambleyasınıń 2003-jıl 21-noyabr degi rezolyutsiyasına muwapıq, 2004-jıldan baslap 9-dekabr - Pútkil dúnya júzilik korrupciyaǵa qarsı gúresiw kúni retinde bayramlab kelinbekte.
Ózbekstannıń 2008-jılı BMShniń Korrupciyaǵa qarsı konvenciyasiǵa, 2010-jılı Ekonomikalıq sheriklik hám rawajlanıw shólkemi sheńberinde qabıl etilgen Korrupciyaǵa qarsı gúres boyınsha Istanbul háreket rejesine qosılıwı mámleketimizde korrupciyaǵa qarsı gúrestiń huqıqıy tiykarların jaratıwda zárúrli qádem boldı. Barinen burın korrupciyanıń aldın alıw menen baylanıslı nızamshılıq bazasın bekkemlewge qaratılǵan Byudjet kodeksi, "Huqıqbuzarıqlar profilaktikası haqqında", " Social seriklik haqqında", "Mámleket hákimiyatı hám basqarıw shólkemleri iskerliginiń ashıqlıǵı haqqında", "Operativ-qıdırıw iskerligi haqqında", " Elektron húkimet haqqında" hám "Parlament qadaǵalawı haqqında"ǵı Ózbekstan Respublikası nızamları qabıllandı.
Sonıń menen birge, korrupciyaǵa qarsı nátiyjeli gúres alıp barıw maqsetinde
2017-jıl yanvarda "Korrupciyaǵa qarsı gúresiw haqqında"ǵı Ózbekstan Respublikası nızamınıń qabıl etiliwi mámleket shólkemleri hám puqaralıq jámiyeti institutlarınıń korrupciyaǵa qarsı kúsh hám múmkinshiliklerin birlestirib, pútin sistemanı jaratıw imkaniyatın berdi.
Huqıqbuzarlıqlar profilaktikanıń tiykarǵı waziypası jámiyette huqıqıy ań hám huqıqıy mádeniyattı kóteriw, nızamlılıqtı bekkemlew, huqıqbuzarıqlardıń júz etiliwi sebeplerin hám olarǵa múmkinshilik berip atırǵan sharayatlardı anıqlaw, úyreniw hám saplastırıw ilajların kóriwden ibarat.
Mámleketimiz keleshegi, xalqımız rawajlanıwı hám gúllep-jasnawın, abad bolıwın qálegen hár bir puqara para alıw hám para beriw illetinen qutılıwı kerek. Sonıń menen birge, jámiyetimizde huqıqbuzarlıqlar profilaktikasın ámelge asırıw tekǵana mámleket shólkemleriniń, bálki sol jámiettiiń aǵzası esaplanǵan hár bir insannıń wazıypası bolıp tabıladı.
Málimleme xızmeti