Korrupciya mámleket basqarıwı sistemasın jemiriwi, mámleket shólkemleri hám mámleket xızmetkerlerine unamsız munasábetti payda etiwi, hákimiyattıń abıraysızlanıwına sebepshi bolıwın hámmemiz jaqsı bilemiz. Korrupciyanıń aldın alıw hám oǵan qarsı gúresiw barlıq mámleket shólkemleriniń ústin wazıypası. Mámleket hám xojalıq basqarıwı shólkemleri xızmetkerleri, sonday-aq, statistika basqarması xızmetkerleri tárepinen paraxorlıq, korrupciyaǵa jol qoyılıwı, mámleket hám statistika sistemasına siyasiy, ekonomikalıq, huqıqıy ziyan jetkezip, xalqımızdıń statistika tarawına bolǵan isenimi tómenlewine alıp keledi. Korrupciyaǵa qarsı gúresiwde tekǵana lawazımlı shaxslar emes, bálkim puqaralar da aktivlik kórsetiwi talap etiledi. Olardıń buǵan baylanıslıǵı huqıqıy mádeniyatın asırıw zárúrli áhmiyetke iye. Búgingi kúnde puqaralar 2017-jıldıń 3-yanvarında qabıl etilgen "Korrupciyaǵa qarsı gúresiw haqqında"ǵı Nızamnıń túp mánisin biliw menen birge, onıń jámiyet rawajlanıwı ushın tosıq hám irkiniwlerdi birgelikte jeńiwde zárúrli huqıqıy hújjet ekenligin ańlap jetpekte.
Málimleme xızmeti