2025-2026jıllarda Ózbekstanda xalıqtı dizimge alıw ilajı ótkeriliwi rejelestirilmekte. Bul haqqında 2024-jıl 4-mart kúni Prezident qararınıń qosımshasında belgilep qoyılǵan.
Prezident Qararı menen tastıyıqlanǵan rásmiy statistika salasında reformalardı tereńlestiriw boyınsha jol kartasında Prezident janındaǵı Statistika agentligine 2025−2026-jıllarda xalıqtı dizimge alıw ilajın shólkemlestiriw wazıypası júkletilgen.
Jol kartasında 2024-jıl dawamında agentlik xalıqtı dizimge alıwdı ótkeriwge tayarlıq jumısların dawam ettiriwi belgilengen.
Atap aytqanda :
Xalıqtı dizimge alıwdı keń jámiyetshilik toparına túsindiriw boyınsha úgit-násiyat jumıslarında paydalanıw ushın videorolik, banner, flayer hám bukletlar tayarlaw ;
2021-jılda ótkerilgen sınaq nátiyjeleri hám xalıq aralıq ekspertlerdiń usınısları tiykarında xalıqtı dizimge alıw soraw forma-blamkaların jáne de jetilistiriw;
xalıq aralıq tájiriybe hám ekspertler usınısları tiykarında «Xalıqtı dizimge alıw» informaciyalıq sistemasın jetilistiriw;
«STATA» ámeliy dástúriy paketi licenziyasın satıp alıw hám dizimge alıw nátiyjeleri shıǵıwshı keste úlgilerin qáliplestiriw;
xalıqtı dizimge alıwdıń shólkemlestiriw rejesin islep shıǵıw wazıypaların ámelge asırıw belgilengen.
Málimleme xızmeti