2022- jıldıń 29- iyul kúni Qaraqalpaqstan Respublikası statistika basqarmasında xızmetkerlerdiń huqıqıy sawatqanlıǵın asırıwǵa arnalǵan náwbettegi seminar bolıp ótti.
Seminarda Ózbekstan Respublikası Prezidentiniń 2021-jıl 6-iyuldegi “Korrupciyaǵa qarsı mawasasız munasábette bolıw ortalıǵın jaratıw, mámleket hám jámiyet basqarıwında korrupciyalıq faktorlardı jedel kemeytiw hám bunda jámiyetshilik qatnasıwın keńeytiw ilájları haqqında”ǵı PF-6257-sanlı Pármanınıń mazmun-mánisi, korrupciyaǵa qarsı gúresiw boyınsha Ózbekstan Respublikası nızamshılıq bazası hám ámelge asırılıp atırǵan jumıslar boyınsha túsindiriw jumısları ámelge asırıldı.
Sonıń menen birge, korrupciya menen baylanıslı jinayatlardıń túrleri, olarǵa nızamshılıqta belgilengen tártipte jaza ilájlarınıń anıqlıǵı, korrupciyaǵa qarsı gúresiwde jámiyetshilik qadaǵalawın ámelge asırılıwı belgilengenligi boyınsha tolıq maǵlıwmatlar berildi.
