Usı jıldıń 4- noyabr kúni Qaraqalpaqstan Respublikası statistika basqarmasında 2022- jıl III sherek juwmaqları boyınsha basqarmanıń keńeytilgen Keńes jıynalısı ótkerildi. Jıynalısta Qaraqalpaqstan Respublikası statistika basqarması administraciyası, basqarmanıń tarmaq hám aymaqlıq statistika bólim baslıqları qatnastı.
Kún tártibine qaray, Qaraqalpaqstan Respublikası statistika basqarması baslıǵı Ganiev Temirbay Turǵanbaxievich Komissiya jıynalısın ashıp berip, Ózbekstan Respublikası Prezidenti hám húkimetiniń hújjetleri hám de tapsırmalarında Mámleket statistika keńseleri aldına qoyılǵan wazıypalar hám sistemada 2022- jıldıń III shereginde ámelge asırılǵan jumıslar natiyjeliligi boyınsha toqtalıp ótti.
Jıynalısta kún tártibine qaray, Ózbekstan Respublikası Prezidentiniń 2020 - jıl 3- avgustdaǵı “Ózbekstan Respublikasınıń Milliy statistika sistemasın jáne de jetilistiriw hám rawajlandırıw ilajları haqqında”ǵı qararı hám “2020 -2025- jıllarda Ózbekstan Respbulikasida statistikanı rawajlandırıwdıń milliy strategiyasi”da mámleket statistika keńselerine júkletilgen wazıypalardıń atqarıwı boyınsha maǵlıwmat berildi.
Sonıń menen birge, komitettiń keńeytilgen Komissiya jıynalısında sistemada korrupciyaǵa qarsı gúres boyınsha alıp barılıp atırǵan jumıslar maydanınan da informaciya berildi.Keńeytilgen Komissiya jıynalısı juwmaǵında atqarıw intizamı hám shólkemlestirilgen máseleler kórip shıǵıldı. Sonıń menen birge, wazıypalardı waqtında atqarmaǵan xızmetkerlerge tiyisli sharalar kóriw, jumıs iskerligin úlgili jolǵa qoyǵan jumısshı -xızmetkerlerdi xoshametlew boyınsha tiyisli qararlar qabıllandı.
Málimleme xızmeti