Usı jıldıń 16 - noyabr kúni Qaraqalpaqstan Respublikasınıń Beruniy rayonında paydalanıwǵa tapsırılǵan jeke tártiptegi turaq-jaylardıń tańlanba gúzetiwleri ótkerildi. Gúzetiwlerde Mámleketlik statistika komiteti “Investiсiya hám qurılıs statistikası” basqarma baslıǵı M.Jomolov, Qaraqalpaqstan Respublikası statistika basqarması baslıǵı T.Ganiev hám Beruniy rayonı statistika bólimi tiyisli qániygeleri, aymaqlıq kadastr bólimi qániygeleri qatnastı.
Tańlanba gúzetiwden maqset, paydalanıwǵa tapsırılǵan jeke tártiptegi turaq-jaylar ulıwma qurılıs astı maydanınıń 1 kv/m qunın esaplaw ushın zárúr bolǵan materiallıq hám miynet resursları muǵdarı haqqındaǵı maǵlıwmatlardı alıwdan ibárat.
Óz gezeginde bul gúzetiw nátiyjeleri tiykarında anıq statistikalıq maǵlıwmatlar qáliplestiriledi.
Komitet juwapkerleri tárepinen aymaqlarda gúzetiwlerdi ótkeriwshi xızmetkerlerge jumıstı óz waqtında hám sapalı shólkemlestiriw boyınsha jol-joba hám usınıslar berildi.
Málimleme xızmeti