Usı jıldıń 4-14- iyul kúnleri Kolumbiyanıń Bogota qalasında Birlesken Milletler Shólkemi Rawajlanıw programması hámde Oksford universiteti sherikliginde “Kóp túrdegi kámbaǵallıǵın ólshewi”ge arnalǵan oqıw seminarı ótkeriliwi belgilengen.
Bul seminarda kambaǵallıqtı kemeytiw menen shuǵıllanatuǵın húkimet mákemeleriniń professional xızmetkerleri, xalıq aralıq rawajlanıw institutleri qánigeleri hám izertlewshileri qatnasıp atır.
Seminar kámbaǵallıqtı qısqartıw hám insan rawajlanıwı boyınsha Oksford ǵayratı direktorı Sabina Alkayr háme onıń jámááti, kóp ólshewli kámbaǵallıq indekslerin islep shıǵıw hám engiziw boyınsha úlken tájiriybege iye bolǵan izertlewshilerdiń tárepinen alıp barılmaqta.
Ilajda Ózbekstan Respublikası Prezidenti janındaǵı Statistika agentliginen Turmıs dárejesi hám gúzetiwleri statistikası basqarması baslıǵı Madaminov Umid Kanjaboevich hámde Qaraqalpaqstan Respublikası Statistika basqarması baslıǵı Ganiev Temirbay Turǵanbaxievich qatnasıp kelmekte.
Seminardıń tiykarǵı maqseti qatnasıwshı mámleketler ortasında tájiriybe almaslaw, kóp ólshewli kámbaǵallıq indekslerin islep shıǵıw hám engiziw boyınsha xalıq aralıq kólemde tastıyıqlanǵan usıllardı úyreniwden ibarat.
Málimleme xızmeti