Xalıqtı dizimge alıwǵa tayarlanıw hám ótkeriw jumısları keń qamtılǵan ilaj bolıp, izbe-iz yamasa bir waqıt ishinde tiyisli ilajlardı ámelge asırıw múmkin bolǵan úsh basqıshtı óz ishine aladı :
Birinshi basqıshda (3 jılǵa shekem bolǵan múddet ) tómendegi jumıslar ámelge asıriladı :
xalıqtı dizimge alıw ilajın ótkeriwdi shólkemlestiriw, ótkeriw principlerı, metodologiya tiykarları hám finanslıq támiynlew dáreklerin anıqlaw máselelerin tártipke salıwshı normativ-huqıqiy hújjetler tayarlanadı ;
xalıqtı dizimge alıw ilajı dástúrin, xalıqtı dizimge alıwdı ótkeriw, onıń nátiyjelerin alıw hám daǵaza qılıwdı shólkemlestiriw metodologiyası islep shıǵıladı;
xalıqtı sınaw tárizde dizimge alıw ilajına tayarlanıw hám ótkeriwdi shólkemlestiriw, onıń nátiyjelerin analiz qılıw jumısları alıp barıladı;
hár bir dizimge alıwshılardı óz aymaǵı boyınsha kartalar menen támiyinlenedi;
elatlı punktlerdegi úylerdiń dizimin dúziw hám xalıqtı dizimge alıw ilajın ótkeriwdiń shólkemlestirilgen jobası dúziledi ;
hár bir .úy-jay tiyisli tártipte nomerlenedi hám kósheler atalıwın ámelge asıriladı;
zamanagóy karta texnologiyalarınan paydalanǵan halda xalıqtı dizimge alıw ilajına tayarlanıw, onıń ótkeriliwin baqlaw, juwmaqlawshı nátiyjelerdi alıw hám usınıs etiwdıń avtomatlastırılǵan sistemasın jaratıw arqalı monıtoring etip barıladı;
xalıqqa xalıqtı dizimge alıwdıń maqseti hám wazıypaları informacion-túsindiriw jumısları arqalı tanıstırıladı ;
dizimge alıw betleri hám basqa hújjetler baspadan shıǵarılıp, orınlardaǵı qánigelerge jetkiziledi;
dizimge alıw uchastkaların imárat, transport hám baylanıs quralları menen támiyinlew jumısları shólkemlestiriledi ;
dizimge alıw ilajında qatnasıwshı waqtınshalıq xızmetkerler oqıtılıp, olar zárúrli qurallar menen támiyinlenedi;
xalıqtı dizimge alıw ilajına tayarlanıw menen baylanıslı basqa da jumıslar alıp barıladı.
Ekinshi basqıshda (10 kúnden 60 kunga shekem bolǵan dáwir ) tikkeley xalıqtı dizimge alıw ilajın ótkeriw jumısları ámelge asıriladı, yaǵnıy xalıq haqqındaǵı maǵlıwmatlar jıynaladı, qadaǵalaw tekseriwi ótkeriledi hám xalıqtı dizimge alıw ilajı materialları qayta islew ushın qánigelesken strukturalarǵa usınıs etiledi.
Úshinshi basqıshda (2 jıldan 3 jılǵa shekem bolǵan dáwir ) tómendegiler ámelge asıriladı :
xalıqtı dizimge alıw ilajınıń baslanǵısh materialları maǵlıwmatlardı qayta islew boyınsha qánigelesken strukturalar tárepinen qabıl etip alınadı ;
xalıqtı dizimge alıw ilajı materialların avtomatlastırılǵan sistemada qayta islewge tayarlanadı;
baslanǵısh maǵlıwmatlardı kirgiziw, kodlastırıw, qadaǵalaw hám analiz qılıw jumısları ámelge asıriladı ; xalıqtı dizimge alıw boyınsha dáslepki nátiyjeler alınadı;
xalıqtı dizimge alıw ilajı nátiyjelerin járiyalaw hám olardı tarqatıw jumısları ámelge asıriladı.
Xalıqtı dizimge alıw boyınsha kepillikli organ - Ózbeksten Respublikası Prezidenti janındaǵı Statistika Agentligi esaplanıp, olar tómendegi zárúrli wazıypalardı ámelge asıradı:
- a) zárúrli ilimiy hám joqarı tálim mákemeleri qatnasıwında xalıqtı dizimge alıw ilajın ótkeriw boyınsha ilimiy-metodologiya hám qollanba materiallardı tayarlaydı ;
- b) hár bir elatlı punktlerde xalıqtı dizimge alıw jumısların muwapıqlastırıwshı dizimge alıw uchastkaları basqarıwshılarınıń, mámleketlik statistika shólkemleri xızmetkerleri quramınan supervayzerlar (qadaǵalawshı instruktorlar) dı tayınlanıwın támiyinleydi ;
- v) orınlardaǵı rayon (qala) hákimlikleri menen birgelikte, dizimge alıwshı xızmetkerlerdi oqıtıwdı, sonıń menen birge, dizimge alıw betlerin sınaw tárizinde toltırıw boyınsha ámeliy shınıǵıwlardı, keyin aljasıqlardı analiz qılıw hám júzege kelgen qıyınshılıqları túsindiriw arqalı ótkeriliwin (oqıtıw jumısları oqıtılıp atırǵan xızmetkerlerdiń úyrenilip atırǵan materialdı tuwrı ózlestirgenlikleri hám dizimge alıw jumıslarına tayın ekenliklerin sınawdan ótkergennen keyin juwmaqlanadı ) ámelge asıradı ;
- g) Ózbekstan Respublikası Informaciya texnologiyaları hám kommunikatsiyaların rawajlandırıw ministrligi menen birgelikte:
dizimge alıw nátiyjelerin qayta islew boyınsha materiallıq-texnikalıq qurallardı satıp alıw, server úskeneleri, dizimge alıw betlerini mashinada oqıwdı támiyinleytuǵın skanerler hám basqa da ofis texnikalari menen támiyinlew boyınsha tenderlar shólkemlestiriw hám ótkeriliwin támiyinleydi ; xalıqtı dizimge alıw betleri maǵlıwmatların kirgiziw hám qayta islew boyınsha avtomatlastırılǵan
sistema jaratadı ; xalıqtı dizimge alıw ilajları nátiyjelerin alıw boyınsha dástúriy qurallardı islep shıǵadı;
- d) Ózbekstan Milliy informaciya agentligi, Ózbeksten Milliy teleradiokompaniyasi, Informaciya hám ǵalabalıq kommunikaciyalar agentlikleri menen birgelikte, xalıqtı dizimge alıw ilajı ótkeriliwi haqqında xalıqtı xabardar qılıw, dizimge alıw ilajlarında aktiv qatnasıw boyınsha xalıq ortasında úgit-násiyat jumısların alıp barıw, reklama rolikleri, uranlar shıǵarıw hám basqa da sol sıyaqlı ilajlardı ámelge asırıw boyınsha islerdi muwapıqlastıradı.
Bul ilajǵa tek ǵana statistika shólkemleri xızmetkerleri, bálki respublikanıń basqa da mámleketlik hám xojalıq basqarıw shólkemleri de xalıqtı dizimge alıw jumıslarında tikkeley qatnasadı.
Málimleme xızmeti