Ózbekstanda xalıqtı dizimge alıw 2026-jıldıń 15-iyulınan 21-avgustına shekem ótkeriliwi rejelestirilmekte. Bul haqqındaǵı tiyisli párman joybarı Normativ-huqıqıy hújjetler joybarların dodalaw portalında járiyalanǵan.
Párman joybarında xalıqtı dizimge alıwdı ótkeriwge járdemlesiw boyınsha respublikalıq hám aymaqlıq komissiyalar shólkemlestiriliwi názerde tutılǵan. Respublikalıq komissiyanıń tiykarǵı wazıypaları da belgilengen.
Statistika agentligi xalıqtı dizimge alıwdı planshet qurilmaları járdeminde ótkeriw ushın 2024-2026-jıllarda zárúr texnikalıq hám dástúriy qurallardı satıp aladı.
Xalıqtı dizimge alıwda "Shaxısqa tiyisli maǵlıwmatlar haqqında"ǵı nızam hám usı tarawǵa baylanıslı basqa da nızam hújjetlerine qatań ámel etiledi hám respondentlerden alınǵan maǵlıwmatlar sır saqlanadı.
Kadastr agentligi 2025-jıl 1-iyulǵa shekem elatlı punktler hám kóshelerdiń atama belgilerin ornatıw, úy hám turaq jaylardı tolıq nomerlew jumısların juwmaqlaydı.
Oliy Majlis palatalarına 2025-jıl 1-sentyabrden 2026-jıl 1-sentyabrine shekem respublika boyınsha hákimshilik-aymaqlıq birliklerdiń shegaraların ózgertiw, toponomikalıq obyektlerge atama beriw hám olardıń atamaların ózgertiw jumısların waqtınsha toqtatıp turıw usınıs etildi.
