2025-jıldıń 3-6-fevral kúnleri Qırǵız Respublikasınıń Bishkek qalasında Oraylıq Aziya mámleketleri ushın Birlesken Milletler Shólkeminiń Statistika bólimi (UNSD) tárepinen Turaqlı rawajlanıw maqsetleri ushın statistikalıq maǵlıwmatlar hám metamaǵlıwmatlar almasıwı (SDMX) boyınsha regionallıq seminar ótkerildi.
Bul seminar Mongoliya, Ázerbayjan, Qırǵız Respublikası, Qazaqstan hám Ózbekstannıń milliy statistika xızmetleriniń wákilleri (TRM kórsetkishleri menen islesiw tájiriybesine ie statistlar hám IT-qánigeleri) ushın shólkemlestirilgen.
Ilajda Ózbekstan Respublikası Prezidenti janındaǵı Statistika agentliginen Sociallıq taraw hám turaqlı rawajlanıw statistikası basqarmasınıń Kommerciyalıq emes shólkemlerdiń jumısı, mádeniyat hám turizm tarawlarında statistikalıq baqlawlar bóliminiń bas qánigesi Rano Razakova hám Sanlı texnologiyalar hám interaktiv xızmetlerdi rawajlandırıw basqarmasınıń Statistikalıq wazıypalardı sanlastırıw bóliminiń jetekshi injener-programmistleri Oybek Izmailovlar qatnastı.
Seminardıń tiykarǵı maqseti qatnasıwshılardı SDMX standartınan paydalanǵan halda TRM maǵlıwmatların hám metamaǵlıwmatlardı tarqatıw jáne avtomatlastırılǵan esap beriw, TRM ushın maǵlıwmatlar strukturasınıń global anıqlaması (DSD) menen tanıstırıwdan ibarat edi. Qatnasıwshılarǵa keńnen qollanılatuǵın SDMX maǵlıwmatlardı modellestiriw hám kartalastırıw quralları menen islesiw boyınsha ámeliy kónlikpeler, sonday-aq, standartlarǵa tiykarlanǵan maǵlıwmatlar almasıw hám tarqatıw boyınsha óz tájiriybeleri menen ortaqlasıw imkaniyatın berdi.