Xalıqtı dizimge alıw belgilengen anıq waqıtta (xalıqtı dizimge alıw sánesi) ótkeriledi. Respondentlerdiń jeke maǵlıwmatların jıynawda dizimge alıw sánesinen keyin júz bergen demografiyalıq jaǵdaylar esapqa alınbaydı. Máselen, xalıqtı dizimge alıw sánesi 2023-jıl 1-noyabr dep belgilengen bolsa, onda 1-noyabrden keyin tuwılǵan balalar ushın dizimge alıw beti formaları hám basqa da dizimge alıw hújjetleri toltırılmaydı, biraq usı sáneden keyin qaytıs bolǵan shaxslar ushın toltırıladı. Onda qaytıs bolǵan shaxs haqqındaǵı maǵlıwmatlar onıń er jetken, qarım-qatnasqa uqıplı bolǵan shańaraq aǵzaları yamasa puqaralardıń ózin-ózi basqarıw uyımlarındaǵı bar maǵlıwmatlar tiykarında toltırıladı.
Xalıqtı dizimge alıw processlerinde shaxsqa tiyisli maǵlıwmatlardı jıynaw:
Ǵalaba xabar qurallarınan keń paydalanǵan halda (Internet tarmaǵı arqalı hám planshet qurılmaları járdeminde) hámde xabar qáwipsizligi talapların támiyinlegen tárizde ámelge asırıladı;
respondentler jasaytuǵın (waqtınsha bolıp turǵan) turaq jay hám naturaq jay orınlarǵa, imaratlarǵa barǵan halda úyme-úy júrip soraw ótkeriw arqalı ámelge asırıladı. Dizimge alıw formaları dizimge alıwshı xızmetkerler tárepinen planshet qurılmaları járdeminde respondentlerdiń sózleri tiykarında toltırıladı;
jasap turǵan úyinde dizimnen ótiwdi qálemegen respondentler ushın dizimge alıw formaların toltırıw rayon (qala) hákimlikleri tárepinen ajıratılǵan imarat yamasa xanalarda jaylasqan dizimge alıw uchastkalarında stacionar dizimge alıwshı tárepinen ámelge asırıladı;
