Qaraqalpaqstan Respublikası Statistika basqarmasında basqarma xızmetkerleri, qala hám rayon statistika bólimleriniń baslıqları hám qániygeleri ushın Qaraqalpaqstan Respublikası prokuraturası bóliminiń prokurorı A.Esemuratov tárepinen seminar ótkerildi.
Seminarda Qaraqalpaqstan Respublikasında sonǵı jıllar dawamında islengen korrupciyalıq jınayatları haqqında maǵlıwmatlar berildi.
Bunnan soń, korrupciyaǵa qarsı gúresiw boyınsha nızam hújjetleriniń mazmun-mánisi túsindirildi, atap aytqanda Ózbekstan Respublikası Prezidentiniń “Ózbekstan Respublikasında korrupciyaǵa qarsı gúresiw sistemasın jánede jetilistiriw is-ilájları haqqında”ǵı PF-5729-sanlı Pármanı, Ózbekstan Respublikası Prezidentiniń “Korrupciyaǵa qarsı gúresiw iskerligin nátiyjeli shólkemlestiriwge tiyisli qosımsha is-ilájlar haqqında” PQ-5177-sanlı Qararı hám Ózbekstan Respublikası Prezidentiniń “Korrupciyaǵa qarsı gúresiw jumıslarınıń nátiyjeliligin reyting bahalaw sistemasın engiziw is-ilájları haqqında”ǵı PQ-81-sanlı Qararı boyınsha túsinikler berildi.
Seminar qatnasıwshıları óz pikirlerin bildirip, qızıqtırǵan sorawlarına juwaplar aldı.
Málimleme xızmeti